AT33 breytingin á Defender gerir kleift að koma stærri og mýkri dekkjum undir bílinn. Við gerum aðlögun á hjólaskálum að framan með því að skera úr stuðara og sílsum. Þannig verður gott pláss fyrir stærri dekk en auk þess setjum við stærri aurhlífar frá Land Rover á bílinn. Með breytingunni komast öflug Mickey Thompson Baja Legend EXP jeppadekk, 275/60R20* undir bílinn án þess að breyta þurfi fjöðrunarbúnaði eða hækka bílinn upp. Útkoman er mun öflugri jeppi á mýkri og gripmeiri dekkjum sem gera þér kleift að takast á við erfiðara færi og grófari vegi af öryggi og ánægju.
*Bílar á 18” felgum fara á Mickey Thompson Baja Legend EXP í stærðinni 275/70R18.

Með AT35 breytingu á Land Rover Defender öðlast bíllinn talsvert breytt útlit með breiðari brettaköntum og stærri dekkjum. Þannig verður hann bæði mýkri í akstri og öðlast mun meiri drifgetu og svipmeira útlit. Jeppinn hækkar um 77 mm í heild og heldur sinni framúrskarandi fjöðrun. Um leið fæst betra drif og flot í snjó, sandi og aur með stærri og belgmeiri dekkjum.

Helstu breytingar:

• Stærri og breiðari brettakantar, matt svartir
• Frábær Mickey Thompson Baja Legend EXP 35x12,5R20” dekk
• 30 mm hækkun á fjöðrun, 77 heildarhækkun
• Aðlögun á fremri hjólaskálum til að koma fyrir stærri dekkjum
• Defender “orginal” felgur eru notaðar áfram en breikkunarklossum bætt við að framan
• Stærri aurhlífar frá Land Rover að framan og aftan
• Gangbretti framleidd af Land Rover
• Endurstilling á hæðarskynjurum
• Hjólastilling
• Sérskoðun og vigtun
• Slökkvitæki og sjúkrapúði
• Hraðamælabreytir til að leiðrétta fyrir stærri dekkjum
• Arctic Trucks merki á afturhlera
• Arctic Trucks númerarammar, framan og aftan
• Í boði er að fá brettakanta sprautaða í lit bilsins gegn aukagjaldi

AT35 PLÚS breytingin er mun umfangsmeiri breyting á Defender. Þannig fær bíllinn gjörbreytt og vígalegt útlit sem vekur alls staðar athygli. Sérhannaðir Arctic Trucks brettakantar setja allt annan svip á bílinn auk þess að vernda hliðar fyrir grjótkasti og óhreinindum. Nýjar 20” háar og 10” breiðar Arctic Trucks felgur og ný Arctic Trucks gangbretti gjörbreyta útliti bílsins og ásjónu. Frábært fjöðrunarsvið Defender heldur sér óbreytt en nýtist enn betur þar sem bíllinn hækkar um 77 mm í heild og öðlast meiri mýkt á belgmeiri dekkjum. Þannig verður framúrskarandi fjöðrun Defender jafnvel enn betri. Þessi breyting skilar sér í betri drifeiginleikum og floti í snjó, sandi og aur með stærri og öflugri dekkjum.

Helstu breytingar:

• Sérhannaðir og breiðari Arctic Trucks brettakantar, sprautaðir í lit bílsins
• Öflug Mickey Thompson Baja Legend EXP 35x12,50R20 jeppadekk
• Sérhannaðar Arctic Trucks álfelgur 20×10” (val er um glans-svartar eða satín-gráar felgur)
• Stærri og breiðari Arctic Trucks aurhlífar að framan og aftan
• Arctic Trucks gangbretti
• AAðlögun á hjólaskálum til að koma fyrir stærri dekkjum
• Tilfærsla á olíukæli í framstuðara
• 30 mm hækkun á fjöðrun, 77 heildarhækkun
• Endurstilling á hæðarskynjurum
• Hjólastilling
• Sérskoðun og vigtun
• Slökkvitæki og sjúkrapúði
• Hraðamælabreytir til að leiðrétta fyrir stærri dekkjum
• Arctic Trucks felgurær og herslumælir
• Arctic Trucks merki á afturhlera
• Arctic Trucks númerarammar, framan og aftan