Þegar Amarok er breytt fyrir 33 tommu dekk er hann eingöngu hækkaður á fjöðrun. Bíllinn heldur því upprunalegum aksturseiginleikum sínum en hærra verður undir lægsta punkt. Þessi breyting er mjög góður kostur fyrir þá sem ekki hyggja á erfiðar vetrarferðir en vilja komast um fjallvegi án þess að reka bílinn niður.

Svo hægt sé að koma 35” jeppadekkjum undir VW Amarok þarf að breyta yfirbyggingu töluvert og hækka bílinn á fjöðrun. Með nýjum innri brettum og stærri aurhlífum er komið í veg fyrir að grjót og óhreinindi valdi skemmdum. Háir og breiðir brettakantar ásamt aukinni veghæð gera mikið fyrir útlit jeppans auk þess sem aksturseiginleikar bætast.